。每日隨身拍❤超推介！旺順火鍋。

。每日隨身拍。
-超推介！旺順火鍋-

舉行每月例會晚餐聚
友人是火鍋達人(每次問佢食乜一定答打邊爐=_=)
其實Cardy麻麻地打邊爐,韓燒個d.
可能長頭髮,特別吸味＞＜
但間旺順火鍋真的十分推介！
其招牌牛骨煲真係無得頂！
同一般牛骨煲最唔同,佢用牛雜做湯料！
如果你同Cardy一樣係個牛雜迷,真係淨食個湯底D料已經夠！
炸魚皮同響鈴必點，上枱個時係熱架！
我覺得肥牛麻麻,但有人覺得無咁肥反而好食d,所以口味屬個人喜好啦。
同大家分享D笑話小插曲吧！
話說一行11人,全女班.竟然係瘋狂點午餐肉？
哈哈,其實午餐肉打邊爐食又的確唔錯嘅=p
而牛雜一向我都好鍾意食,不過就麻麻地'牛膀'。
其中一成員'牛蒡？牛蒡唔係係牛度架喎？'
我'我知你講個種係植物叫牛蒡嘛,但牛雜深色扁扁lee片都係叫牛膀！'
成員堅持係叫'牛潤'（牛肝）
但經我向家人及好友打爛沙盤問到督後..
證實真係叫'牛膀',但並非牛肝來的!
係牛的胰臓,豬的胰臟就稱為'豬橫脷' ！
哈哈,不過內臟的膽固醇都偏高.
大家記得少食多滋味啊！
20130501

❤❤❤❤❤❤❤❤❤❤❤❤❤❤❤

My facebook:Facebook.com/BeautyCarPark