2015年5月29日星期五

打造韓風自然的女神髮型❤Babyliss-Curl Secret

相信大家對BaByliss這牌子一D都唔陌生啦~
這個來此法國的髮型護理產品品牌,
係Sogo,Log-on,Citistore都會見到這品牌嘅產品喇!

之前出席了BaByliss X mina魔髮造型分享會
這次介紹的是之前被大家稱為"食頭髮的機"嘅自然版>>"Curl Secret"

當日邀請左幾位blogger做model示範用"Curl Secret"的效果,

如果喜歡豐盈效果的,可以馬頭髮分成上下兩層,
再分成左右兩邊處理,因應髮量每邊分成6-8小撮來set
咁就可以打造出較豐盈又活潑的感覺!

如果早上趕住出門口?
先把頭髮分左右兩邊,之後使用Curl Secret在頭髮長度的一半位置!
當然,每邊分4-6小撮先set啦!
就係咁,斯文氣質嘅造型就完成喇!

當日大會仲邀請左天然護髮用品中心嘅髮型師為我地分享心得,
髮型師仲好風趣地用自己示範,唔使照鏡都可以自己使用Curl Secret!

而頭髮長度剛過肩的都適合使用Curl Secret的!
Blogger Cherry set好之後,超有韓妹feel呀!

MC再係現場選了一位頭髮較短的Bloogger,示範短髮如果使用Curl Secret!

好吧..送上event當天的兩張集郵吧!
with 圓圓 ^^

仲有同Smaller >3<

好..而家到我為大家示範示自己使用Curl Secret喇
使用前..先黎個少少的介紹先吧!

操作方法好簡單,機身只係有兩掣-"Time"同"Temperature"
Time-專利陶瓷捲髮筒,專業加熱系統塑造順滑持久的曲髮造型。
Time是時間設定,設有3 段時間設定,
8、10、12秒,備有聲響提示,調較捲髮效果的大小
Temperature是熱力設定,有2段熱力設定-
210 及 230 度適合不同髮質的秀髮及塑造持久造型!
最後那紅色燈是電源提示..
預熱時紅燈會閃動,當預熱完成紅燈就會一直亮著!

這一邊寫蓍'Please face to head at this side'
即是這一面向頭皮嘛,簡單來說..長頭髮的話,這一邊是向上!

而另一面'Please don't face to head at this side'
就是向下,即係向髮尾方向!

使用時因應自己想要的效果,先選擇好熱力同時間,
分出一撮大約2-3cm的頭髮放進Curl Secret!
Cardy習慣第一撮頭髮在下巴左右的位置開始,之後每一撮住上移一點點開始.

 放置妥當髮束後,鬆開髮束並閉合手柄,讓捲髮器自動將秀髮捲入捲髮筒内。

當聽到4次快速而連續的指示聲響後就可鬆開手柄,曲髮就完成啦!

整個頭完成後,用手指把曲髮輕輕的撥鬆

就是這樣就完成了!

留海處於短留海要留長的尷尬期,
所以把它夾起來好似比較利落一點!

在文章開始時,我說Curl Secret是屬於自然版的,
2013年係BaByliss於Pro系列推出左專業版自動捲髮器MiraCurl,外觀跟Curl Secre很相似的!
外型上最大分別除了顏色不同之外,Curl Secret比Mira Curl少了一組方向掣,
但重量Curl Secret就輕很多呢!

效果方面,Mira Curl的卷曲程度細而密集,
Curl Secret的卷曲效果就較大,看起來較自然,有現在流行的韓風女神feel.!
平時替新娘set頭時,多數會在做一些編織效果前,
使用Mira Curl為客人頭髮打底喇,這樣編織效果會更順!
但如果自己出街,要打造自然大波浪效果的話,當然是選擇Curl Secret啦!

我喜歡把頭髮撥得很鬆很鬆的效果啊!!呵呵!

這次分享就到這裡吧~
(產品及有關資料由品牌提供)
❤❤❤❤❤❤❤❤❤❤❤❤❤❤ 
希望大家喜歡我的分享吧ε٩(๑> ₃ <)۶з
快D去我facebook page讚好,以後更方便睇到我嘅分享啦!

2015年5月27日星期三

❁旅遊❁奈良一天遊(交通路線及午餐篇)❤大阪賞櫻生日之旅

 今次同大家分享下這大阪賞櫻生日之旅中..
我係點樣遊奈良啦!
因為好多好多相..所以今篇先同大家分享交通路線及必食午餐吧~

原來打算在回港的那天去奈良快快走一轉的,
但看到天氣報告,連續幾天都下雨,只有我地轉酒店那天是天晴,
所以轉酒店後,我地就搭JR由天王寺出發去奈良喇~
(兩點先出發..其實有點晏-_-建議大家還是早點出發吧T^T)

當然帶埋Moppy遊奈良同鹿鹿玩啦!

由天王寺到奈良,搭JR車程大約半個鐘左右..
其實一出JR站就有個巴士站(紅箭咀)可以搭車去奈良公園那邊~

但我"不知道那根筋不對勁"又發作..
以為只有近鐵奈良那邊才有巴士搭..=_="
我地就乖乖的跟著google map指示行去鐵奈良那邊~
對於Oppa中了我的伏,好抱歉,我不是固意的=p

其實這三条通街,有好多商店的!
有藥妝店,食店,和服店..仲可以欣賞下沿途嘅景色!
(自我安慰mode....-_-")

一見到櫻花,我就要跑過去合照!
陽光猛到眼睛都打不開了

有興趣按這張照片,放大看看我的表情-.-
因為Oppa拍照永遠都不數123,經常拍到我合上眼/在說話的表情

其實行左唔係好耐,轉左兩次彎,就去到近鐵奈良喇!!!
看到一對公公婆婆,婆婆雖然要用拐杖,行動緩慢..
但情景一點也不傷感,因為公公把婆婆的手牽實,一起慢慢的行..
很窩心嘅場面啊!

好!鏡頭一轉,我地講下黎到奈良必食的.."柿の葉壽司"
我一心也是要找平宗的柿の葉壽司的..但變了檔口模式?
其實在三条通街也有一間平宗的店,JR站的巴士站也有一間啊!

不過檔口同店面的分別,應該只係壽司的組合選擇較少吧~

而我只看得懂這款大概是柚子味醬汁..
唔緊要!買細盒的試試吧!

 而旁邊的献上柿の葉壽司,店面大,日式裝潢,位置顯眼,所以都係人來人往~
羊群心態,所以我地都入去買返盒..
本來想試試鰻魚壽司的!不過它沒有組合set,即係一買就要買成盒都係鰻魚(6-8件),
Oppa本來都說唔緊要,就買多盒啦,反正愛吃壽司的他一定食得哂!
但我話到奈良公園那邊有間好有feel的茶座有野食,我地唔好食到咁飽.
誰不知..他其實又中伏了...!!
等陣同大家講點解吧~
(註:我再次不是固意的=p)

 好..買好午餐(定下午茶?)之後,
我地就過近鐵對面的巴士站,見到寫了春日大社的巴士就走上去~
haha..因為原本的行程只打算在回港前在奈良快快走一轉,
所以一心只要去到水谷茶屋同冰室神社就好了~
以下是我地遊奈良公園的路線圖喇~
紫色是巴士路線,紅色是我們觀光的路線~
 如果你地想plan定行程,可以先下載>>奈良公園地圖

係誤打誤撞的情況下,我地係春日大社前站落左車,
咁我地就行去前對面片岡本梅林那邊,
睇住"人餵鹿,鹿圍人"的情景,去享用我地剛剛買的壽司!

平宗的柚子燒鯖魚壽司,我有點後悔買了細盒的..
應該買大盒的嘛!!!
用柚子醬汁燒的鯖魚好好吃啊!!
柚子的清新口感,但完全沒有柚子平時的苦澀味!!

献上柿の葉壽司,有很多不同組合的,oppa買了7件裝的.
黎到奈良..大家記得記得要吃柿の葉壽司

um...這是壽司的介紹喇~

好喇..我反正真的分不清甚麼魚跟甚麼魚..
柿の葉壽司同我地平常吃的壽司最大分別就是用醃製過嘅魚代替魚生.

壽司上嘅魚味道偏咸,不過加上壽司飯一起吃就剛剛好!
有淡淡的柿葉香味,而且飯的口感十分Q,有點糯米飯的感覺~
而柿葉可以令食品保存更久,
所以柿の葉壽司很適合作郊遊旅行的食糧呢!!

你看...Minion多開心!! 

Moppy都好想吃呢!!!
好..先講到這裡吧..!

努力整理在奈良的遊玩+必到櫻花景點篇!

更多大阪賞櫻生日之旅2015回顧:
❤訓機場初體驗❤
❤酒店推介!你鍾意寧靜定shopping?❤


❤❤❤❤❤❤❤❤❤❤❤❤❤❤ 
希望大家喜歡我的分享吧ε٩(๑> ₃ <)۶з
快D去我facebook page讚好,以後更方便睇到我嘅分享啦!

2015年5月13日星期三

❁旅遊❁酒店推介!你鍾意寧靜定shopping?❤大阪賞櫻生日之旅

今次同大家介紹我係大阪住嘅酒店啦!
每個人對酒店住宿嘅要求都唔同,
身為慳妹嘅我(好似係),book酒店除了要方便,價格亦都係重要的考慮因素..
而我個人就會偏向選擇一D shopping熱點名隔兩三個站嘅酒店,
不要太與世隔絕,價格又比旺區的酒店低,
而且去shopping都方便d嘛!(不是說自己是慳妹嗎? -_-)

今次除了訓機場外(❤訓機場初體驗❤)
我同oppa係旅途中,仲轉左一次酒店,即係住左兩間酒店!
其實多數人都會希望盡量不要轉酒店,
但我覺得住下不同的酒店,感覺就好似去多個境點,令旅程多點回憶嘛=P

好吧,先介紹第一間酒店!
岸邊站酒店-Kishibe Station Hotel
酒店位於JR東海道本線的(普通列車)岸邊站,可能大家對這個站比較陌生,
因為這裡不是旅遊熱點,附近都係民居,只有它一間酒店,
而旅遊書嘅鐵路地圖好多時都會skip了這個站的!

由於相機多數都被oppa保管,所以我忘記拍酒店的外觀喇-_-"
從網上找來酒店外觀的相片俾大家看啦~
(相片來至agoda.com‎)

雖然唔係位於熱門的心斎橋那邊,
但除非你每天只逛心斎橋同道頓堀啦,不然去那裡都是要搭車轉車ga啦!
(紫圈)酒店行去JR岸邊站1分鐘都唔使,亦可以選擇行7分鐘左右去阪急京都線嘅正雀站!
(紅圈)搭JR三個站已經可以到大阪/梅田站,如果要轉車坐大阪環狀線都十分方便.
(綠圈)由岸邊站去京都,搭JR東海道本線的普通列車,唔需要轉車就到達!
(藍圈)如果要去心斎橋,可以搭JR去新大阪再轉地鐵嘅御堂筋線就可以喇!

如果去環球影城都好方便!
去到大阪站再轉環狀線西九条方向(桜島行)列車到ユニバーサルシティ就係了!

介紹完岸邊站酒店嘅地理位置,就說說酒店周圍的環境吧!
相片中中間的就是JR岸邊站,黃色箭咀方向就是往酒店,
紅色箭咀方向是往便利店,相片也是從便利店拍過去的!

係JR站行去酒店,係非常近,連Google maps都唔使開!
從酒店拍過去,往JR只需要過一小段馬路ga咋~

而便利店(紅箭咀)係酒店望過去亦都好近!

如果第二天行程較趕,例如一早就去環球影城,
可以去LAWSON買定個三文治第二朝做早餐!
天呀..日本d三文治雪左成晚個麵包都仲係好軟,一D都唔乾,真係好好味呀T^T

LAWSON旁邊有間超級市場,
超想逛的,不過每日返酒店時佢地已經關門了><
而這邊附近也有食肆營業到較夜嘅時間,
第一晚因為我地都太累,都好早返左酒店訓一訓先..
之後oppa好叻咁去買左個好好味嘅炸雞飯返黎>3<

我book的是Small Double Bed嘅房型,
這是房間走廊位置,

之後仲有一度門,分隔了睡房同走廊的空間,
房間嘅空間不大,但床尾加化妝枱旁都夠位可以平放打開兩個行李,
睡床的size在平常住的酒店應該是單人床size吧?
不過正式來說四呎床也是雙人床來的!
反正我們沒有掉下床喇=P

洗手間我也忘記了拍,所以從網絡找來照片吧~
洗手間都是簡簡單單,燈光不會太暗,亦無熱水不足的問題.
(相片來至agoda.com‎)

而酒店提供的沐浴露,洗頭水護髮素都是品POLA的!
如果使用後喜歡,更可以係酒店購買!
(相片來至agoda.com‎)

而酒店的早餐係我決定book這酒店的關鍵!
我是在agoda選擇酒店的,雖然它只屬兩星酒店,但評分算頗高的,
而且很多評語都說酒店的早餐好食又有heart!
(我係很喜歡吃酒店早餐的..我也不知為甚麼..哈哈!)
你可以在訂房時選擇包括早餐的package,
或者早一天向酒店購買明天的早餐劵!
早餐可選擇,和定食(721yen)同洋定食(617yen),
如果前一天買定早餐劵,兩款都只係500yen咋~

我地有兩天的行程可以係酒店食埋早餐先出發,
第一天我同oppa都選了和定食!
餐廳姨姨嘅笑容好親切,再加上咁精美嘅早餐,
馬上覺得這一大清早的心情變得好好啊!
當然味道真係好好味呢!
仲包一杯飲品,有咖啡/紅茶/果汁/鮮奶選擇!

而我地選擇左落坐地玻璃前的位置,
雖然對住街,不過唔係太多人會經過,
而且自然光自拍好美啊! (//誤//)

之後Minion同Moppy都陪我地係酒店食早餐!

Oppa這天點了洋定食

Minion都好想食呢!哈哈...

我就繼續點和定食,吃早飯的感覺好好啊!!

你看..Moppy好似在叫"我都想食啊!"
哈哈...
總結 :
我們是在網上訂的,把附加費,手續費都計算後,價錢大約HKD$580/一晚
而我們是在復活節假期+櫻花盛開的日子去,這價錢真的很抵吧!

因為在出發兩個多月前找心斎橋附近價格夠低的酒店,已經全部爆滿,
或只找到些價格偏高,大約HKD$1500左右的酒店.
雖然網頁都顯示酒店為兩星級,但其實環境同服務都不是惡劣,
而且住客的評分都十分高!
可能相比其他酒店,岸邊站酒店是比較樸素吧?!

 但總括來說都算乾乾淨淨,安全,方便,一出酒店就見到JR站,
而附近是民居,不是購物熱點的確有人會不喜歡,
但oppa倒是十分欣賞這裡的寧靜呢!
十分推介給商務旅客,或者會有一兩天往京都的旅客呢!

不過book酒店時,記得註明要非吸煙房間!
因為..我地唔記得註明囉!
........................
這次大阪之旅我地第二間住的,就係大阪市阿倍野信譽飯店

大阪市阿倍野信譽飯店位於天王寺站,
從機場到天王站坐關西空港線,又或者坐更快的HARUKA,只需要一個站就可以到達!
而係天王寺去其他地方可以選擇搭JR或者地下鐵,
例如由天王寺站去心斎橋,可以坐地鐵嘅御堂筋線,都只係需要8分鐘姐~

坐地鐵的話,到天王寺站就找Q's Mall的出口,
因為酒店入口就在Q's Mall的對面.
如果你是坐JR,就上行人天橋過對面馬路,
仔細搵下就會見到往3樓酒店Lobby的lift,不用走到路面喇~

而酒店位置屬於旺中帶靜的地帶,
就在Q's Mall旁的小路,對面有吉野家,
往Q's Mall再走一走就有便利店

酒店的Lobby不是在地下,要上3/F啊!

三樓的Lobby位置

Lobby旁邊是酒店的西餐廳
環境氣氛不錯的,大家有興趣可以在這邊吃個下午茶吧!

好..說說房間設備吧!
今次訂Standard Double的房型,
房間的設備裝潢都很新淨,床邊仲有小梳化..
空間不算十分寬敞,但係我使用化妝枱時,
床尾同梳化前都夠位同時打開兩個大行李同一個手提行李喇!

睡床都好鬆動,一定不會掉落地的~

掛衣服的位置..點解不是打橫的呢?

洗手間這次我記得拍了~
設計都蠻時尚的,
Oppa的推介,花灑在淋浴時很舒服!
我是沒有留意喇,因為我是洗澡速度十分迅速,
他應該是有九成時間是在享受淋水的!
(咳咳..大家要環保點,節約用水喇!)

設備都十分完善,連綁頭髮的橡筋都有提供到

沐浴露,洗頭水的瓶子..蠻酷的~

我們房間看出去的view,看到整個Q's Mall呢!

有天晚上,Oppa說了好多好多次,想試試日本吉野家的牛肉飯跟香港的有甚麼不同,
好吧,酒店對面有間,我地早餐去食吧!

不過好抱歉,原來早餐是沒有牛肉飯的!!!hahaha

我又點燒魚定食喇..
真的好喜歡吃早飯的感覺..哈哈=p

納豆嘛..sorry..我真的接受唔倒 T^T

而我忘記了我是否騙Oppa即將帶他吃餐豐盛的
所以他點了豆腐飯..=p
總結 :
同樣是在網上限預訂的,把附加費,手續費都計算後,價錢大約HKD$1000/一晚
雖然價比岸邊站酒店高,但大阪市阿倍野信譽飯店是四星酒店呢!
而且天王寺站其實是超好逛,附近有多個商場,
酒店對面有Q's Mall ,與地鐵同Q's Mall相連的VIAあべのWalk,係JR站旁的MIO
交通方面,除了JR同地鐵,仲可以選擇乘搭近鐵或者阪圳堺電車.
推介給情侶,帶小孩的家庭,喜歡shoping的旅客呢!
如果時間許可,我大概會在起床後掉下Oppa,自己衝先去shopping一轉吧!

好吧..下篇再跟大家分享更多這次大阪之旅的點滴吧!
更多大阪賞櫻生日之旅2015回顧:
❤訓機場初體驗❤
❤❤❤❤❤❤❤❤❤❤❤❤❤❤ 
希望大家喜歡我的分享吧ε٩(๑> ₃ <)۶з
快D去我facebook page讚好,以後更方便睇到我嘅分享啦!