2015年11月29日星期日

世界上真係有聖誕老人的嗎?一次過滿足三個願望❤StyleCare自動旋轉熱風梳

♪又到聖誕..又到聖誕...♪
雖然仲有成個月先聖誕..但我覺得聖誕老人已經係我身邊潛伏已久呢~
話說有天我這電器Killer又KO左自己個風筒=_=
頭髮長及腰的我,真係係唔可以無左風筒㗎ヽ(゚´Д`)ノ
點知係lee個時候,我就收到Philips新推出嘅StyleCare-自動旋轉熱風梳!
太感動了吧!!!!

StyleCare係一部三合一美髮造型器,可以打造豐盈,鬈曲或者貼服直髮造型
加上負離子護髮,有效清除靜電和撫平頭髮角質,  讓秀髮展現柔順亮澤。

好..同大家介紹下佢嘅配件先!

直徑 50毫米熱捲梳  
如果頭髮扁塌嘅,可以用這個打造豐盈效果呢!

自動空氣捲髮筒
 可塑造空氣感波浪造型
具備角蛋白陶瓷塗層,為秀髮提供最佳護理

仲附有這個小工具,方便大家把頭髮分量取出tim!

集風嘴
集中風量至特定範圍, 方便把髮吹得順直貼服

StyleCare機身輕巧,可以因應唔同嘅需要更換機頭配件

操作上亦十分簡單,
每次更換機頭配件時,只要按住配件開關按鈕就可以輕易取出及換上.
設有3 段風速選,熱風塑型 ,冷風幫助固定髮型,
使用熱捲梳與捲髮筒時,可以使用左右旋轉,打造更多唔同造型!

呵呵..開箱文先到這裡囉..
下次同大家示範使用方法吧~٩(ˊᗜˋ*)و
(產品及有關資料由品牌提供)
Philips Beauty : https://www.facebook.com/PhilipsBeauty.hk
 ❤❤❤❤❤❤❤❤❤❤❤❤❤❤  
希望大家喜歡我的分享吧ε٩(๑> ₃ <)۶з  
快D去我facebook page讚好,以後更方便睇到我嘅分享啦! 

2015年11月26日星期四

❁旅遊❁『沖繩遊』新鮮抵食の魚生飯❤海人食堂

又來到紹下沖繩美食嘅時間!
沖繩到處都望到個海,當然要食下魚生啦~~

今次同大家介紹我係沖繩差不多兩星期,
食左咁多餐覺得最新鮮最抵食嘅-海人食堂!!

又係乖乖的跟住GPS嘅帶領就可以好輕易咁黎到!
見到這大大個冰字就代表你成功到達了~~

車子可以停泊係這冰字後方的空地..
GPS會把目的地名字顯示為"讀谷村漁業協同組合"
因為海人食堂都係由這讀谷村漁業協同組合直接供貨營運的!

沖繩真的好好,到處都有好多好多車位,超方便的!
(um,..那霸除外喇..泊車都超貴的~ 〒︿〒)

menu就係餐廳嘅門口旁邊,
有炸魚飯,海葡萄飯,魚生飯,沖繩麵...
而家睇返..好似8號那個"Toku-Toku Don"都好似唔錯wo!

Oppa去買野食嘛..咁我去買支綠茶啦..
誰不知,幸運之神又降臨我身上...(((゚д゚)))
我買了支超苦..um..應該說係甘味很重的綠茶...
其實好多日本食肆都會提供自助式斟嘅冰水..
而海人食堂提供嘅係麥茶!!(早知就唔買綠茶啦..≖_≖)

我地大約兩點半黎到..可能剛剛過左lunch time ,所以唔係好多人~
我地揀左坐正正係店出面,並排坐望住個漁港慢慢嘆(*´∀`)~♥
我同Oppa都點了"海人丼"!因為這個是海人食堂嘅人氣No.1呢!
(其實我係怕Oppa搶哂我想吃的..)

這海人丼跟的"海菜湯"真係好好味!
味道唔係好濃,清清地咁,加上海菜口感又滑又爽,
同大大碗魚生飯真係好夾!

魚生飯嘅料夠新鮮,份量仲超多的!!!!
吞拿魚,三文魚子,墨魚(應該係),八爪魚,海葡萄,甜蝦,鯖魚(唔知係咪?)
每件魚生入口都感受到佢肉質嘅彈性就知道佢好新鮮..
最最最令人回味係當中嘅三文魚子!味道係甜的!!
係鮮甜中再帶甘甜嘅味道(✪ω✪)..!
還有甜蝦!口感彈牙,又夠肥美啖啖肉!

這碗魚生飯1030円,大約港幣$70左右
香港要食到這質量嘅魚生飯,價錢起碼要 double吧!
所以大家黎沖繩記得黎試下"海人食堂"嘅魚生飯啊!٩(ˊᗜˋ*)و✧

❁❁❁新鮮魚生海葡萄小比拼❁❁❁
其實我都有過恩納村很出名的元祖海葡萄喇~
首先,等位等超久的!(位置仲要幾曬幾悶熱-0-)
然後好似所有組合都係主打海葡萄..其實成碗飯都係海葡萄時..都幾寡下~
不過我叫兒童餐(但都食唔哂XD..),所以有個海葡萄海鹽雪糕,都幾好味!
另外我都有過泊港漁市場,係有好多魚檔,都十分衛生乾淨
但魚生都不算十分新鮮,感覺最靚的魚生應該都賣到餐廳去吧?
加上只有一間熟食店設有坐位..><

所以我還是最推介海人食堂喇!
又有得食海葡萄,又有新鮮魚生,仲有得望住個靚靚嘅藍天再吹住海風嘛!
好吧..俾大家看看這漁港有幾靚啦!
完成無tune色..個海真係好靚㗎!
um..Oppa又不知在Chok甚麼喇╮(╯▽╰)╭
<海人食堂>
地址: 沖縄県中頭郡 読谷村都屋33
電話:098-956-1640
營業時間: 10:00–16:00

更多沖繩自駕遊之旅2015回顧: 
 ❤❤❤❤❤❤❤❤❤❤❤❤❤❤  
希望大家喜歡我的分享吧ε٩(๑> ₃ <)۶з  
快D去我facebook page讚好,以後更方便睇到我嘅分享啦!     

2015年11月19日星期四

獨特嘅圓頭和邊角設計,輕易打造出完美底妝!❤Ovo Beauty Sponge

之前出席了Ovo Beauty Sponge位於尖沙咀FACESSS的opening
這品牌係由兩位國際級化妝大師Klexius Kolby和Brian Hicks,
從Hollywood、New York帶到黎香港嘅!
大家有無覺得成間舖嘅陳列好簡潔呢?

無錯,因為全間店只出售這MakeUp Sponge的!
而這個Sponge亦有分大中小三個size,
他們首創的獨特圓頭和邊角設計 ,更易打造出完美底妝!

超超超開心的係當日仲有星級化妝師小白老師,
佢同我地分享一下佢使用這Ovo Beauty Sponge的心得呢!

Ovo Beauty Sponge獨特的設計是符合人體工學,用家可根據手形挑選最適合的size ,
使用時就會更舒適,更易控制,能令妝容更細緻無瑕!

一盒入面都有兩個beauty sponge

使用前先把sponge弄濕,再把水份盡量擠出,
咁樣可以防止粉底液都被sponge吸收哂,打造出黎嘅底妝就可以更均勻貼服!

每個beauty sponge最後的工序再經人手逐個加工,
透過細膩的工藝精心打造出高質素的品質,表面質地細緻平滑、彈性高!
而吸收左水份的sponge會大了一個size...
左邊是乾的s size beauty sponge,右邊是濕了水的,
濕了水的s size beauty sponge是等於乾的m size啊!

小白老師分享左個令妝容更貼服的小tip,
就係搽面霜時都用這beauty sponge來上,
這樣再上粉底時,整個底妝都會更有光澤感又貼服!

用剛剛上skin care的一面來上粉底液,效果貼服均勻,
sponge嘅密度夠高唔會吸哂d粉底液,所以用起黎好快好smooth就可以完成整張臉,
而且呀..它的質感非常柔軟纖細,完全唔會留低一道一道痕跡的!

輕輕屈曲邊角嘅弧度可以方便加強眼圈嘅遮暇,
而鼻冀的位置記得都唔可以忽略啊!

而遮暇膏可以用旁邊的小三角位來幫忙啊!
直接取適量嘅遮暇再輕輕印係有斑或者有印的位置黎遮暇。

而最特別嘅圓頭設計位置就可以用黎上胭脂膏,
相比起用手指上胭脂膏,範圍同份量都更易控制呢!

最後仲可以用同一個sponge上碎粉作定妝,
而我鍾意習慣用pressed powder,所以我會用一個乾的sponge黎做這個step!

Ovo Beauty Sponge無味,不含乳膠成份,防敏感..適合任何肌膚使用..
咁你仲唔快d去FACESSSq揀返個啱你手形嘅?!
(產品及有關資料由品牌提供)
Ovo Beauty Sponge: https://www.facebook.com/ovobeautyspongehk

 ❤❤❤❤❤❤❤❤❤❤❤❤❤❤  
希望大家喜歡我的分享吧ε٩(๑> ₃ <)۶з  
快D去我facebook page讚好,以後更方便睇到我嘅分享啦! 

2015年11月17日星期二

❁旅遊❁『沖繩遊』一齊聽住沖繩民謠手舞足蹈吧!❤超好氣氛的沖繩料理-海物語

沖繩遊,去到邊基本上都會被沖繩民謠在洗腦
怕坐定定欣賞沖繩民謠表演有d悶?
今次推介大家一間有沖繩民謠Live Show的餐廳..
可以一邊食野,一邊欣賞表演,感受下沖繩人的熱情啊!

全間餐廳好似得我地一檯係香港客人
其他全部都係日本人,有一半以上更加係沖繩人呢~
(不要問我為何知道他們是沖繩人喇..因為真的可以感受到的!=p)

店內嘅設計都係以木為主,
空掉的酒瓶改裝成吊燈掛飾,
周圍嘅環境都好精緻

我地坐低無耐就發現餐廳中嘅小亭下有人在準備音響

然後看看我地點菜嘅平板,原來每日由晚上7點開始都會有Live的沖繩民謠表演!
(對..我們又是誤打唔撞來到這餐廳的..XDD!)

沖繩好多地方都會有飲品放題,
而這家的選擇真的超多的!!

我點了黑糖梅酒喇..
真的超超超好味的!!大家有機會來的話一定要試試啊!

壽司..不過不失的!

這個呢..我地都唔太清楚係咩魚..
我地都係睇menu上的圖點的..
但意外地又幾好食喎!!
肉質幾彈牙,炸得好香口又唔會太油,
配酒蠻搭的..!大家可以試試啊!

海葡萄,

木魚絲豆腐.,,不錯啊!

這個好似炒米粉的..就真係炒米粉的味道..
um..可以留一留肚食第二款野喇~

芥末八爪魚..夠新鮮!

這個薄煎餅好好味啊!
雖然薄薄的,但口感煙煙靭彈牙,必點啊!

炒苦瓜乜乜乜...雖然苦瓜係沖繩特產,
但我都係覺得好苦呀 T^T

其實Live表演時,一直都會邀請客人做一些互動..
(對啊,我們聽不明喇,不過感受著大家熱鬧嘅氣氛都好開心喇!)

哈哈..這個客人每次見到其他人在拍時都會表現得超鬼馬~

拍了當時客人都跟著音樂圍著餐廳跳舞的短片喇~

而我地發現當Live表演一完結,大部份客人都跟著走了,
一下子就只剩下兩三檯客人..
原來好多客人都是點了飲品放題加一兩度小吃,主要來欣賞Live show的!
(所以菜色都超配下酒的~)

之後我地再加點了幾款小吃..不過當時我其實已經好飽了~哈哈哈

這個豬軟骨夠腍,味道又夠惹味..

天婦羅沾海鹽,好好好味呀!!!! >v<

炸鱆魚..如果是點了飲品效題的,這個又是超推介的!

話說一下子只剩下兩三枱客人嘛,那拍一下店裡環境吧~



原來剛剛的live show隊員就有出CD的!!
哈,大家下次到沖繩可以來<海物語>,一邊欣賞沖繩民謠Live show,一邊享受美食啊!
<海物語>
地址:  沖縄県国頭郡恩納村字名嘉真2246 
電話: 098-983-3113  
營業時間: 17:00-24:00

更多沖繩自駕遊之旅2015回顧: 
 ❤❤❤❤❤❤❤❤❤❤❤❤❤❤  
希望大家喜歡我的分享吧ε٩(๑> ₃ <)۶з  
快D去我facebook page讚好,以後更方便睇到我嘅分享啦!     
Facebook.com/BeautyCarPark