2015年9月28日星期一

❁旅遊❁『沖繩遊』必到的田園風high tea之選❤oHacorte水果撻

今次同大家介紹到沖繩必去,好出名水果撻的cafe - oHacorté!
美美的水果撻,而家睇返相都好想再食呀!

oHacorté係沖繩有四間分店,
係國際通同那霸空港都有設店,
要一嚐oHacorté嘅水果都十分方便的!

今次我去嘅,亦係最多人去的浦添港川店。
單看店的外圍,都估到點解這間分店最熱門吧!
無錯!港川這間分店係超適合拍照的!哈哈哈!!

Cafe除左可以坐低享用美食外,店內仲有D圍巾,記事簿等嘅雜貨販賣

放果醬嘅角落都佈置得好有feel呢!

而佢地嘅曲奇都好多日本人會買返去作節日送禮的!

好吧~~而家介紹一下它們的重頭戲﹣水果撻喇!
oHacorte的水果撻款式都係因應不同季節而轉換的..
不過一些期間限定都係每天限量,所以要嚐到可能要一早就黎喇!
(一日都三餐都high tea也是常識吧..哈哈哈!)

「秋季限定」烤巨峰提子撻/480yen(未含稅) ,柚子撻/580yen(未含稅)


雜莓撻/620yen(未含稅),香蕉黑糖撻/580yen(未含稅)

綜合水果撻/580yen(未含稅)

仲有我一入店就想飛奔換撲過去嘅-「秋季限定」巨峰提子撻/700yen(未含稅)

不想吃水果撻的,可以選擇芝士撻/280yen(未含稅)或者朱古力撻/280yen(未含稅)

堂食的話可以選室內或者室外在..

室內裝潢都是走文青風格的

就連紙巾都散發住文青氣息呢!!

先付錢,之後坐定定,乖乖等店員把點餐拿來吧~

水果撻都係偏甜,所以我地點左最簡單嘅Ice Tea!
在日本點Ice Tea都會附贈個小小嘅檸檬汁同糖漿,自己調較味道

我覺得杯Ice Tea都得特別靚的!

木盤都刻了oHacorte的logo


誠意推介大家..巨峰提子撻!!
OMG!真的好好好味!!

巨峰提子都超清甜又彈牙,完全唔會有澀嘅味道,
成個撻有一半係巨峰提子,所以一D都唔漏,
如果大家黎到見到,一家要試下啊!!!

之後Minion表示想食banana!

但係呢,我係度小心翼翼切緊個巨峰提子撻,要分一半俾Oppa時...
但Oppa唔知靈魂飄左去邊諗緊乜..
佢兩大啖就食左三分二個香蕉黑糖撻,仲要食哂D banana T^T
我只係食到d黑糖脆脆咋...嗚嗚..如果有香蕉一定更加好味的!

Oppa就係襯我切緊個巨峰提子撻時食哂D banana!!!T^T
我當時眼淚都快要滴出來:“你唔留一半俾我㗎?;( ”
因為Oppa只留左一啖黑糖撻俾我,所以佢太內疚之後就去買多件水果撻俾我喇!

如果花多眼亂揸唔定主意的話,選綜合水果撻是最好的吧!
綜合水果撻會挑當季的時令水果來做,可以試哂咁多款水果!
所有水果都超新鮮,口感味道都令人好滿足啊^^
(唉...但係沒有banana...T^T)

好喇..跟住Minion陪大家看看室外的環境吧!

如果怕曬又想坐室外的,可以選擇坐在小屋的位置

唔怕曬的,其實露天位置都好有feel的!

先說明啊..我到沖繩主要是因為化妝工作嘛..
Oppa是在我工作完成哂之後先來的..
所以從香港帶了花冠到沖繩是為了工作的喇!=P

這角落的光線好美啊!!!

幸好當日人不算太多,所以可以影多兩相喇=p

花冠係我自己第一次試整的,效果不錯吧!哈哈

真的..如果天氣不是太熱,坐露天真的好舒服..
係香港真係好難揾到咁嘅high tea環境吧!

所以如果大家黎沖繩,記得黎oHacorte的浦添港川店嘆番個high tea喇!

oHacorte
地址:〒901-2134 沖縄県浦添市港川2丁目17-1 #18
電話:098-875-2129
營業時間: 11:30-19:00
❤❤❤❤❤❤❤❤❤❤❤❤❤❤
希望大家喜歡我的分享吧ε٩(๑> ₃ <)۶з
快D去我facebook page讚好,以後更方便睇到我嘅分享啦!  


2015年9月23日星期三

打造仙子氣質❤Accessorize

Accessorize位於中環IFC嘅專門店,係8月21號重新開幕喇!(拍掌拍掌)
我超超超鍾意逛Accessorize的!

新店除左以全新形象示人,
仲搵左找全球知名藝術家-Damien Hirst嘅知名畫作<Spot painting>展示係店內!

一入到店內,我馬上俾機械人clutch bag吸引住喇!
近年時裝界都掀起一股可愛熱潮,手袋飾物都加入了卡通人物和圖案的設計元素,
今季Accessorize都推出多款可愛趣致的貓頭鷹、機械人
和哈哈笑立體手袋同clutch bag,為這個初秋添加多一點趣味。

藍色一向都俾人又cool又高貴嘅感覺,
今季Accessorize就用左唔同嘅藍色,設計出多種不同風格嘅時尚飾品,
本身唔多好藍色嘅我都覺得好靚好靚呀!

   如果怕粉紅色太可愛,咁不妨選擇溫柔淡雅的dusted pink

  印有花卉和蝴蝶圖案的圍巾、鑲有淡粉紅寶石的金屬飾品、
 設計簡約的粉色小手袋等,唔會太可愛又不失少女情懷。

而最吸引我嘅,一定係以吉卜賽女郎為設計靈感嘅系列!

因為民族風基本上你不會覺得佢有退潮流嘅感覺, 所以我以前的衣櫃基本上一半衣服都係民族風的呢~

 但人大左,覺得配搭時加點民族風飾品,感覺更突出喇!

 逛Accessorize時,我心已經飛左去沖繩,
都在想'挑些美美的飾物去拍照吧',
最後,我選了這set有點民族風嘅水晶手鏈

三條一齊戴係手唔會太誇張,又民族又少女嘅感覺!
(噢..還少女嗎?!)

之後我又看中了這頭箍,
超閃超仔細的!
好少女加仙女的感覺呀!>3<

跟大家說啊,睇中這頭箍,其中一個因素是覺得用它來拍pre wedding都好適合呢!
去沖繩主要係為工作的!
夜景時穿晚裝戴這頭箍都好華麗。
當頭,白天就我來戴,扮下仙女吧~

 Accessorize嘅耳環又係好吸引嘅,
一set裡面有好多對,
帶去旅行,真係一日一對都戴唔哂=p

最重要嘅係..少女味得黎唔會太可愛!

而且要華麗一點的還是casual一點的都有

呵呵呵,有無超仙女的感覺

這cafe是不是超美!
如果只穿這連身裙一定超單調的,
好彩係Accessorize選了超美的飾物黎點綴喇>3<
(堅持要拍出仙子的感覺)

而我這回沖繩之旅主要去工作嘛,
所以用背囊就更加方便,
加上我一直都好想挑戰一下背囊適合適我。


而我一入到店內已經俾這民族風的背囊吸住!
「這完全是我的菜!!」

索帶加啪鈕,方便拎野!

我發現呀..只要上身穿素色一點就已經好易襯到,
又可以堅持我girly的風格~
而且呀,這趟旅程我都帶了電腦去,用背囊都無咁重呢!
其實仲有好多唔同款式嘅民族包包都好靚㗎!
   
但選這背囊最好的好處係佢款式中性,
背囊太重時可以掉給Oppa,他都毫不猶豫地背上..
因為跟他又真係幾襯..
怎麼辦,我覺得Oppa在虎視眈眈我個背囊呀>0<
謝謝Accessorize這次的合作喇..(Oppa超喜歡個背囊的)
大家都快d去Accessorize挑選初秋飾品啦!

 (產品及有關資料由品牌提供)
❤❤❤❤❤❤❤❤❤❤❤❤❤❤
 希望大家喜歡我的分享吧ε٩(> ₃ <)۶з
 D去我facebook page讚好,以後更方便睇到我嘅分享啦!