2015年8月25日星期二

❁旅遊❁同Minion一齊整杯麵❤大阪賞櫻生日之旅

見到cup noodle 出雪糕,不禁又諗起係大阪整的cup noodle了 !
雖然之前香港都有得整,但舉辦時間得兩日..
今次同大家分享下我係大阪的自家製cup noodle啦!
最後仲有minion的杯麵食評啊!

去到池田站,出閘後往右邊走

之後落天橋,無記錯都係再轉右,
大家去到Google map一下吧,超易搵的!

其實原訂當日係去奈良,前一天來日清拉麵發明記念館的,
但天氣預測,前一天陽光普照,當日會下雨..
下雨應該很難同鹿鹿玩遊戲吧,只好將兩日的行程調換一下~

黎到日清記念館喇!
你睇下minion幾興奮!


當時仲係四月頭,都仲係幾凍下,所以著到成隻糭咁-_-

館內有好多介紹日清歷史同製作過程嘅資料,都係以「機關」形式展出,
小朋友們都好用力咁打開每個機關~

超大嘅杯麵橫切面~
Minion:嘩..好想食呀!

仲展示左日清一路以黎嘅每款杯麵

Minion:我想食哂佢地呀!!!
(乖啦..唔食得ga!-_-)

之後我地去排隊整個自選杯麵!

oh...超多人的~
不過秩序好好,無人打尖,無人大叫,
大家都好守禮,一路等都係抱住期待嘅心情~

排到咁上下,會見到有部找換機,唔夠散銀的可以係度找換~

旁邊有幾部杯麵售賣機,找換好的散銀是這時候用的!

<Sep1>買個杯麵嘅杯先!
一個杯麵係300yen

售賣機出黎的只係杯麵的杯,
等大家設計好杯身後再去把食材放入杯中

<Step2>清毒雙手
清毒好雙手之後,會有職員派發膠的杯蓋方便大家繪畫

每次有人在繪畫區完成作品,離開坐站時,
繪畫區的日清姐姐都會用響亮嘅聲線告訴排隊區域的工作人員,
排隊區域的工作人員再放人去繪畫區~
(要表揚一下繪畫區的日清姐姐,
佢一直保持響亮嘅聲線之餘,仲不忘keep住友情親切嘅笑容!)

<Step3>設計個人風格嘅杯麵外觀

枱面準備左好多顏色筆俾大家發揮創意

仲有一張menu,大家可以諗定個杯麵要咩湯底同咩餸!

好努力畫緊第一個杯麵...

繼續好努力畫緊第二個杯麵...
Minion:"畫完未呀..咁耐㗎!"
Cardy:"未呀..Oppa又唔幫手畫!"

登登登登!!作品完成!

然後...又要再排隊..

日清姐姐派個袋仔俾你,用黎一陣裡返個杯麵走!

呵呵呵..睇住好多新鮮嘅杯麵出爐~~

<Step4>把麵壓入杯內
基本上,滾輪都係日清姐姐在掌舵的

<Step 5>選擇杯麵的湯和配料
日清雞仔基本上係大家都必選的配料,
另外蘑菇係當日的特選配料,大家都一定要選啊!

一個杯麵可以選擇四款配料

Oppa在選擇時偷偷問我"可唔可以叫佢落四次都係雞伙仔呢?"
um..最後佢沒有嘗試喇...
如果有朋友仔嘗試過,是可以的..麻煩告訴我,我會轉告Oppa的!

自己選擇的湯底同配料,真的感覺很爽呢~哈哈

左邊的是Oppa的:蕃茄湯底,日清雞仔,蘑菇,芝士,蝦
右邊的是我的:咖喱湯底,日清雞仔,蘑菇,芝士,豆角

<Step 6>包裝杯麵

日清姐姐張杯麵放入機器進行封印!
呀,唔係..係封口!

之再用保鮮膠封實

Yeah!!完成喇!!

最後可以張杯麵放入袋中再充氣,
之後可以好似幼稚園小朋友咁孭住佢,好可愛咁周圍去喇!
其實還有一種是杯麵製作班,麵條係由自己製作的,
但那個製作班大約90分鐘,需要經電話預約!
不過如果當日仲有空位,職員會門口宣佈邊一班仲可以接受報名,
大家可以試下碰碰運氣啊!

當日雖然天陰陰,但路上都見到美美的櫻花
後記:其實去池田的確只係為左整杯麵,
旁邊都係民居,池田站旁有間100yen店,大家可以逛逛
原本打算整完杯麵去箕面站附近一間貓頭鷹cafe的,
但可惜行程調動,不夠時間凡去呢T^T
我想去的這間位於箕面的貓頭鷹cafe,不像心斎橋那間只提供一杯果汁..
這間是有熱食提供的...
嗚..我下次一定要去到!!!!
大家有興趣想去探探貓頭鷹,可以先看看他們網頁喇!
地圖指示,箕面站行3分鐘就到,好似不太難找的!
fukuroucafe-crew: http://www.fukuroucafe-crew.com/

❤❤❤❤❤❤❤❤❤❤❤❤❤
好喇!自家製的杯麵嘗味期係一個月,
(所以記得係杯上寫上製造日期)
Oppa回港後日日都問我幾時食個杯麵,
其實我係唔捨得食的,
但Oppa話唔食,杯麵左過期就只係個唔食得嘅杯麵,
好似有d道理..所以我地決定同minion一齊食左佢!

我的杯麵,自戀地畫上"Beauty Car Park"的字樣..呵呵

好緊張..我要食左你地喇!!!
(食個杯麵姐,使唔使緊張呀?-_-)

加水等佢三分鐘...
Minion:"哝,點解無乜湯嘅.."

初時以為係咪啲麵吸哂啲水,所以無乜湯咁..
不過麵身依然彈牙,咖喱味濃郁,
已經唔係咖喱湯底,係咖喱醬!!
我地覺得大概係芝士溶掉,令整個湯底都變得更'傑',
如果你都鍾意湯底濃郁,整個時配料記得要揀芝士呀!

蕃茄湯底明明寫是辣的,所以我先沒有揀...
但其實真係一d都唔辣..哈哈
但蕃茄嘅鮮味同甜味都好突出!
同樣因為芝士溶了,所以蕃茄湯變了蕃茄醬啊!

好吧..下次繼續跟大家分享更多大阪之旅的點滴吧!

更多大阪賞櫻生日之旅2015回顧:
❤奈良一天遊[上](交通路線及午餐篇)❤
❤奈良一天遊[下](拍照景點篇)❤
❤美食❁地魚屋台❤
❤❤❤❤❤❤❤❤❤❤❤❤❤❤ 
希望大家喜歡我的分享吧ε٩(๑> ₃ <)۶з
快D去我facebook page讚好,以後更方便睇到我嘅分享啦!

2015年8月19日星期三

開價化妝品推介❤LUNA

Cardy之前收到LUNA三件化妝品
今日就同大家來個試用報告吧!

LUNA 高水份精華粉底霜

看似係一個BB Cushion

這個高水份精華粉底霜,又稱為爆水粉底!
點解叫爆水粉底?大家可以睇下以下這條短片..
https://vimeo.com/97189275

而海綿嘅下層係一個好似拉花咁嘅粉底霜,
* 蘊含 60% 未經稀釋的水份精華:營造無形的保濕屏障,長效保濕
* 維生素A&E 及多種植物活性成份,如海葡萄等:保持肌膚水潤滋養
* 冰葉日中花活性成份及水態粉餅:即時降溫,收細毛孔,令肌膚更細滑

使用內附海綿,沾取適量,並輕按壓於全臉

有效自然遮瑕、自動依膚色追色、防水、 防汗

um...好像有點太白了...-_-
可能係因為21號色的關係吧~!
不過看到韓國官網好像已經推出23號色70%的水態的粉餅,希望香港都悚快D引入啦><
除左係粉底色白左D唔0岩我之外..
其實它的遮暇度我是十分滿意的!
還有它的保濕度都唔錯!
那天,我就這樣白了兩度的樣子在家做下家務,同狗仔玩下咁,
皮膚都唔會乾到裂又或者油光滿面!

LUNA 纖幼眼線液

筆頭夠尖又夠柔軟,初學者都好適合用!

超易就畫出好幼嘅眼線!

因為佢筆頭夠尖,所以畫內眼線時真係好好用!
而佢係好實嘅黑色,所以畫一筆已經足夠!
仲可以用溫水卸妝,好方便的!

LUNA 持久原色唇膏

一共有四隻色,
鮮紅色、羊毛粉紅色、橙紅色、桃紅色

整體來說唇膏的顯色度不錯,又夠實色
如果喜歡效果自然一點的,可以用輕印的方式來塗
但唇膏的滋潤度不高,所以先塗潤唇膏再使用,效果會更好!

我最喜歡#04的桃紅色,你呢?
LUNA產品於指定屈臣氏有售
LUNA FB:https://www.facebook.com/Cosmetic.LUNA.HK

LUNA 網站:http://www.cosmeticluna.hk/

  (產品及有關資料由品牌提供)
❤❤❤❤❤❤❤❤❤❤❤❤❤❤ 
希望大家喜歡我的分享吧ε٩(๑> ₃ <)۶з
快D去我facebook page讚好,以後更方便睇到我嘅分享啦!