【美甲教學】♥用甲油自己做出漸變及拉花效果♥

好多朋友都以為我整左gel甲,大家覺得似嘛?^^

雖然左右手唔一樣,但都唔哂覺姐

那天,見到微博有幾張連環圖是漸變甲油的教學,但那個方法試過不太可行~
所以還是用了傳統的方法吧！
同大家介紹一下今次用嘅甲油係邊幾隻先^^
Nature Republic-BE104(用黎用底色)

sasatinnie-粉藍色

ETUDE HOUSE-BL505

KP-025(閃粉)

Seche Vite(Top Coat)

幫自己整個時無拍下每一個step呢
但係媽咪見到又話要整.（最初佢又係以為係gel甲黎架）
好吧,就等佢一邊睇電視,一邊幫佢整啦^^
今次媽咪整嘅係漸變效果=]
1）搽完base之後,搽一層裸色甲油做底（或者粉紅色都得）
2）張淺藍色甲油搽係粉樸上

3）再張粉樸,用印嘅方法印哂十隻手指,大概佔指甲表面三份二

4）之後張深色D嘅紫色甲油搽係另一個粉樸上

5）同樣地張粉樸,用印嘅方法印哂十隻手指,今次就大概佔指甲表面嘅三份一

6)漸變效果做好之後,就可以搽多層閃粉.閃粉可以淨係搽係紫色甲油上面,或者全隻搽都得.

7)最後搽上top coat就可以有gel甲的效果㗎喇^^

好..到介紹拉花效果了^^
雖然好多教學中,無論係真甲定假甲,都係教搽白色甲油做底
當然用白色做底,效果係最顯的.
但我今次用了粉紅色做底也不錯啊^^
首先用即棄膠杯準備一杯水,然後就先滴是其中一隻色係水嘅中間位置,佢會化開.
然後就再用另一隻色keep住輪流咁滴落杯嘅中間..
然後用牙籤由外向中心位拉,記得每拉完一下都要抹下牙籤上嘅甲油先再去拉下一下啊！

之後張甲面面向甲油浸落去,用牙籤捲走旁邊多餘ge甲油先再拎返起手指甲!

當然講好容易,做嘅時候的確係要小小技巧嘅.
所以都有小小溫馨小貼士俾大家^^
1.滴每一下都盡量快,唔好等咁耐!因為牙籤要穿過左層甲油,掂到水先去拉!如果動作太慢,最外面個圈甲油就會一層一層向裡面乾,最後形成好似一層皮咁,個時牙籤就穿唔過.或者得返最入果兩三個圈未乾,咁拉出黎個花都無咁靚啦
2.第一下滴落去嘅甲油未必會化到去杯邊,可能會係中間'浪浪下'，比較難控制！大家可以用牙籤輕輕力張最外個層拉到去杯的四個方位,等D甲油粘一粘住個杯邊,固定位置,咁就易D掌握架喇^^
3.如果大家想拉出黎嘅花都好整齊嘅,可以分別係上下左右先拉左四下,分成四等份,先再從四等份中分成八份或者十二份啊!
不過個人認為,拉花還是用假甲片會方便d!
那天還用了桃紅色及橙粉紅色來試試看^^

好吧..跟大家回顧一下我那隻鴛鴦手吧

哈哈..希望大家喜歡這美甲教學吧
較早前的相關文章:
自己修甲教學

♥♥♥♥♥♥♥♥♥♥♥♥♥♥♥♥♥♥
my facebook:http://www.facebook.com/BeautyCarPark