2014年2月19日星期三

我的元宵情人節❤情人節大餐: Full/half

 上回說到..
這個元宵情人節跟男友去看了《華爾街狼人》
(可以按這裡回顧啊 >>《華爾街狼人》)

這回跟大家分享我的情人節大餐吧^0^
介紹我當天的大餐前..
先跟大家說說Cardy有個古怪的小毛病呢-_-"
就是Cardy平日的食量都不多..
不過就是唔多餓得呢..
萬一餓到..就會心情很低落..
但其實在工作時..Cardy是好捱得餓的!
試過早上7點開始工作..都沒吃早餐..
忙到中午三四點先食第一餐都無問題..
攝影師都驚嘆我仲要走上走落,上山下海..
點解可以如此捱得呢!
Cardy大概就是專心工作時都不覺得餓..
日常生活中..卻對肚餓很敏感吧><
所以跟朋友聚餐..多數都係訂好位..
或者知道餐廳很多人去的..就還未餓時去等位吧!

而我這古怪的小毛病...
很久前已經自首跟男友說過喇~
看他把我養得肥肥白白...><"
就知道他沒把我餓壞呢~(-__-")
情人節當天男友選擇到Full/half 晚餐呢~
Full/half 在The One 8/F..
可能只有一邊的扶手電梯/搭 lift先可以到達..
所以都比較少人去..
即使情人當天都沒有排長龍的情況..
(相片來源: fullorhalf.hk )

好..說說當點了甚麼吧...
情人節餐好像是甚麼三重奏(鵝肝,帶子,還有..忘記了=P)
都不太吸引..所以還是從set dinner中選擇吧~

這杯呢...
好像是青檸+甚麼甚麼梳打..
味道一般吧..
飲嘅時候都會飲到些..小小的黏著果肉的籽
um...只能說不是Cardy的心水吧~

蟹肉沙律, 華都夫沙律, 黑松露菌忌廉湯
蟹肉沙律超好味呢,都係啖啖肉,Cardy超推介這個呢!
華都夫沙律就較 fresh,如果喜歡吃很多生菜那種沙律可以點這個啊!
黑松露菌忌廉湯,夠香又滑,加入左切碎左嘅菌,滑得黎又有口感.

美國香煎和牛扒
Cardy點了五成熟的和牛扒
肉汁多又夠林,同賣相一樣咁掂^^
不過兩塊和牛扒..醬汁都倒在上面的牛扒..
但醬汁原來是辣的..
所以上面那塊就讓男友消化吧!哈哈

安格斯西冷扒
同和牛扒完全唔一樣的感覺
如果說那塊和牛扒是女生..
這西冷扒應該就是男生吧~
西冷扒的牛肉味較濃又有好香的燒焦味..
不過肉質較硬較鞋..有點在挑戰牙力呢~
但相信有些人是喜歡這口感的!

Tiramisu
女生的第二個胃出場了!!
甜品時間!!!!!
男友說這裡的Tiramisu很出名,
同出面一般的Tiramisu口感唔同,問我要唔要試下..
雖然Cardy不是特別愛吃Tiramisu...
但男友說得咁特別...
那這試試吧^^

果然!!!真的值得一試呢!!!
跟一般的Tiramisu比較,Cardy覺得多了一點煙韌口感
樣子又幾精緻特別的><
不愛吃Tiramisu的Cardy覺得不錯啊..
唔知你地又喜唔喜歡呢?

後記:
話說Cardy同男友到餐廳時..
已經有一個女仔自己坐係我後面的卡位
當我地點完菜..主菜都來了..
就見到一個男仔嬲嬲地咁走入黎,坐左係我後面嘅卡位
語氣帶重咁同女朋友講:
"你點啦!唉..下次唔好黎lee度啦,d路又麻煩,問d人又無識答...."
我諗這位男生應該係搵左一陣先搵到上8/F的路喇..
的確..這餐廳位置有點隱蔽..
不過就是這樣..所以都不用大排長龍..
Full/half的tea set都很多人說不錯..
下次大家有空都可以試試啊!^^
❤❤❤❤❤❤❤❤❤❤❤❤❤❤

沒有留言:

發佈留言