♥我的化妝箱♥

如果大家有時候悶悶地的話,可以睇下我今篇post,因為今次係幾長氣的一篇post=p
因為突然想同大家介紹下我D化妝箱／袋.
其實基本上每次出job都拖0急ge.
但有時做wedding跟全日,如果下下touch up轉頭都開0急又唔係唔方便ge,所以我會用個化妝箱裝住touch up ge野~
記得有次轉完頭,坐車去下一站個時,我坐係後座同新娘子換頭飾,過左一陣新娘子好疑惑擰過黎問'點解你個箱仔咁細,可以有咁多野ge？'哈哈,加上我D化妝袋有時會離奇失蹤??所以而且當為佢地作個記錄吧=p

先登場是benefit的化妝包,兩個都係家姐買比我的.

右邊那個大家都不陌生吧,是JESSICA CODE之前附送的,個日知道出左,但唔得閒買,所以叫家姐買左先.現在都駐守在我的工作箱的範圍內.
左邊那個已經跟隨我有五年多了吧！記得當年想買ge時候,香港已經無貨,姐姐知我想要,係中東做野時買比我的！所以即使佢已經變變地色,我都用緊架!不過已經無帶出街,都係放係櫃筒幫手做分類.

這個NaRaYa的化妝袋,是好友送的生日禮物

因為我都喜歡象象的東西嘛^^
不過這布料好似比較容易整污糟,所以我都用黎裝3D眼鏡喇=p

左邊那個shu uemura是嫂子給我的.右邊的是agnis b,係坐飛機時候派的（其實仲有個黑底白波點的,但我都不知放到那裡去了T^T）

Shu uemura那個其實不太好用,因為都很淺呢！不過因為有個小手把,所以上次為舞台劇化妝,中間要躲係後台為演員抹眼淚,補補粉,補補唇膏,要拎少量東西時,還不錯！
Agnis b那個原本我是會帶出街的,不過唔知點解最近都好懶,所以佢都慢慢進入櫃筒,幫手擔當分類的工作=p

這個小小的唇膏袋,是我每次出街都必備的！

它size小小,但可以放到潤唇膏,唇膏,lip gloss,睫毛膠水..
帶佢出街夠哂喇=p

繼續長氣..為大家介紹埋我出job的好伙伴吧！

為大家先介紹這個化妝箱,我為它取了個名字＜BV＞!這是姐姐在泰國買給我的^3^

它就是新娘子疑惑的那個'箱仔細細'的化妝箱了！佢主要都係裝hair的東西,（當然tools那些還是放在0急內喇=p)那些頭飾,髮夾都放在這,然後跟新娘到處跑都可以了^^

中學時期喜歡Emily的舉手！

這個Emily化妝袋又是歷史悠久的！現在都是用來裝skin care同make up remover的東西！

到這個化妝箱喇!真的很喜歡它呢!它是我舊公司的阿姐送我的！

 

但超愛還超愛,它真的好睇唔好用呢..太大放唔落個0急,裡面個架又重喎,所以我都係未帶過佢出去呢~~

最後到這堆了！

 

其實最整齊還是張化妝品分好類再帶出去ma!看到有些有lace的嗎？有的是加工有的是我新弄的=]

仲有lee個仲有lee個！

其實係一個化妝掃套！但上面這個白色印有C字的配件,是我在淘寶買的,好鍾意呀！哈哈XD!

多謝大家花左咁多時間去了解我D化妝袋／箱..
你地有無邊幾款同我一樣架呢？；）
♥♥♥♥♥♥♥♥♥♥♥♥♥♥♥♥♥♥
大家喜歡我的分享,去支持一下 facebook page tim呀^^http://www.facebook.com/BeautyCarPark
^3^