Beauty Car Park

2016年2月22日星期一

元宵佳節說聲 “Love you Chérie”❤Bisous Bisous

話咁快就到左元宵佳節,大家又會點樣同另一半過lee個浪漫嘅中國情人節?

早前收到Bisous Bisous的化妝品,就用佢化返個靚妝同oppa拍下拖啦~

Bisous Bisous早前推出的限量系列Allure of Baccarat大受歡迎,詢問度長期高企，
所以推出了全新演繹的Love you Chérie系列!
而 “Love you Chérie”的靈感就係源自法文”chérie”,中文意思係「親愛的」咁解!

今次Love you Chérie系列推出左3款全新色的三色胭脂,

Cardy今次收到嘅係#3 (Dreamy),色tone偏橙,適合膚色較深嘅女仔

Love you Chérie這三色胭脂真係十分十分上色,
所以係胭脂上取色定掃上面,記得輕輕手就可以喇!

我鍾意先用淺粉紅+粉紅色以腰果形掃係顴骨位置,
之後再用淺粉紅掃係外圍加強立體感

記得唔好心急,輕輕手咁一層一層掃上,
咁就好易打做出精神又自然嘅效果㗎喇!

如果你追求方便快捷嘅化妝品,可以試試這支Château de Glamour Lip Tint!

可作胭脂及唇彩兩用,水狀配方質感輕柔易推,
高效防水保濕,輕易打造持久甜美水亮的雙頰及唇妝

如果喜歡有顏色又亮澤嘅唇妝,咁Château de Glamour Lip Gloss就啱哂你喇!

法式魅惑琉璃亮色唇彩系列有4個顏色,
而自然嘅nude色同俏皮嘅橙紅色我都好鍾意呀!

Lip Gloss選用左高亮澤顯色配方,仲添加維他命E滋潤雙唇,
而且一打開就聞到好香甜嘅味道,搽上嘴唔會覺得痴笠笠

效果超好,顯色度超高的!!　

(產品及有關資料由品牌提供)

Bisous Bisous Facebook: https://www.facebook.com/bisousbisoushk/
售賣點 : 指定莎莎獨家發售
❤❤❤❤❤❤❤❤❤❤❤❤❤❤

希望大家喜歡我的分享吧ε٩(๑> ₃ <)۶з

快D去我facebook page讚好,以後更方便睇到我嘅分享啦!
Facebook.com/BeautyCarPark

2015年11月29日星期日

世界上真係有聖誕老人的嗎?一次過滿足三個願望❤StyleCare自動旋轉熱風梳

♪又到聖誕..又到聖誕...♪
雖然仲有成個月先聖誕..但我覺得聖誕老人已經係我身邊潛伏已久呢~
話說有天我這電器Killer又KO左自己個風筒=_=
頭髮長及腰的我,真係係唔可以無左風筒㗎ヽ(ﾟ´Д`)ﾉ
點知係lee個時候,我就收到Philips新推出嘅StyleCare-自動旋轉熱風梳!
太感動了吧!!!!

StyleCare係一部三合一美髮造型器,可以打造豐盈,鬈曲或者貼服直髮造型
加上負離子護髮,有效清除靜電和撫平頭髮角質, 讓秀髮展現柔順亮澤。

好..同大家介紹下佢嘅配件先!

直徑 50毫米熱捲梳
如果頭髮扁塌嘅,可以用這個打造豐盈效果呢!

自動空氣捲髮筒
可塑造空氣感波浪造型
具備角蛋白陶瓷塗層,為秀髮提供最佳護理

仲附有這個小工具,方便大家把頭髮分量取出tim!

集風嘴
集中風量至特定範圍, 方便把髮吹得順直貼服。

StyleCare機身輕巧,可以因應唔同嘅需要更換機頭配件

操作上亦十分簡單,

每次更換機頭配件時,只要按住配件開關按鈕就可以輕易取出及換上.
設有3 段風速選,熱風塑型 ,冷風幫助固定髮型,
使用熱捲梳與捲髮筒時,可以使用左右旋轉,打造更多唔同造型!

呵呵..開箱文先到這裡囉..
下次同大家示範使用方法吧~٩(ˊᗜˋ*)و

(產品及有關資料由品牌提供)
Philips Beauty : https://www.facebook.com/PhilipsBeauty.hk
❤❤❤❤❤❤❤❤❤❤❤❤❤❤

希望大家喜歡我的分享吧ε٩(๑> ₃ <)۶з

快D去我facebook page讚好,以後更方便睇到我嘅分享啦!

Facebook.com/BeautyCarPark

2015年11月26日星期四

❁旅遊❁『沖繩遊』新鮮抵食の魚生飯❤海人食堂

又來到紹下沖繩美食嘅時間!

之前介紹過oHacorté水果撻,石垣牛燒肉,有live show的沖繩料理

沖繩到處都望到個海,當然要食下魚生啦~~

今次同大家介紹我係沖繩差不多兩星期,

食左咁多餐覺得最新鮮最抵食嘅-海人食堂!!

又係乖乖的跟住GPS嘅帶領就可以好輕易咁黎到!

見到這大大個冰字就代表你成功到達了~~

車子可以停泊係這冰字後方的空地..
GPS會把目的地名字顯示為"讀谷村漁業協同組合"
因為海人食堂都係由這讀谷村漁業協同組合直接供貨營運的!

沖繩真的好好,到處都有好多好多車位,超方便的!
(um,..那霸除外喇..泊車都超貴的~ 〒︿〒)

menu就係餐廳嘅門口旁邊,
有炸魚飯,海葡萄飯,魚生飯,沖繩麵...
而家睇返..好似8號那個"Toku-Toku Don"都好似唔錯wo!

Oppa去買野食嘛..咁我去買支綠茶啦..

誰不知,幸運之神又降臨我身上...(((ﾟдﾟ)))

我買了支超苦..um..應該說係甘味很重的綠茶...

其實好多日本食肆都會提供自助式斟嘅冰水..

而海人食堂提供嘅係麥茶!!(早知就唔買綠茶啦..≖＿≖)

我地大約兩點半黎到..可能剛剛過左lunch time ,所以唔係好多人~
我地揀左坐正正係店出面,並排坐望住個漁港慢慢嘆(*´∀`)~♥
我同Oppa都點了"海人丼"!因為這個是海人食堂嘅人氣No.1呢!
(其實我係怕Oppa搶哂我想吃的..)

這海人丼跟的"海菜湯"真係好好味!
味道唔係好濃,清清地咁,加上海菜口感又滑又爽,
同大大碗魚生飯真係好夾!

魚生飯嘅料夠新鮮,份量仲超多的!!!!
吞拿魚,三文魚子,墨魚(應該係),八爪魚,海葡萄,甜蝦,鯖魚(唔知係咪?)
每件魚生入口都感受到佢肉質嘅彈性就知道佢好新鮮..
最最最令人回味係當中嘅三文魚子!味道係甜的!!
係鮮甜中再帶甘甜嘅味道(✪ω✪)..!
還有甜蝦!口感彈牙,又夠肥美啖啖肉!

這碗魚生飯1030円,大約港幣$70左右
香港要食到這質量嘅魚生飯,價錢起碼要 double吧!
所以大家黎沖繩記得黎試下"海人食堂"嘅魚生飯啊!٩(ˊᗜˋ*)و✧

❁❁❁新鮮魚生海葡萄小比拼❁❁❁
其實我都有過恩納村很出名的元祖海葡萄喇~

首先,等位等超久的!(位置仲要幾曬幾悶熱-0-)
然後好似所有組合都係主打海葡萄..其實成碗飯都係海葡萄時..都幾寡下~

不過我叫兒童餐(但都食唔哂XD..),所以有個海葡萄海鹽雪糕,都幾好味!
另外我都有過泊港漁市場,係有好多魚檔,都十分衛生乾淨
但魚生都不算十分新鮮,感覺最靚的魚生應該都賣到餐廳去吧?
加上只有一間熟食店設有坐位..><

所以我還是最推介海人食堂喇!
又有得食海葡萄,又有新鮮魚生,仲有得望住個靚靚嘅藍天再吹住海風嘛!
好吧..俾大家看看這漁港有幾靚啦!
完成無tune色..個海真係好靚㗎!
um..Oppa又不知在Chok甚麼喇╮(╯▽╰)╭